Təhsil proqramlarının və dərsliklərin hazırlanmasının əmək bazarının tələblərinə uyğun olması vacibdir.

Qarabaginfo.az xəbər verir ki, bunu Peşə Təhsili üzrə Dövlət Agentliyinin direktoru Ceyhun Kərəmov brifinqdə çıxışında deyib.

"62 yeni təhsil proqramı hazırlamışıq. Bu prosesdə işəgötürən nümayəndələr də iştirak edib. Həmçinin 179 dərslik hazırlamışıq. Həm də beynəlxalq təşkilatların dərsliklərinin Azərbaycan dilinə tərcüməsinə başlamışıq", - o deyib.

Ceyhun Kərəmov qeyd edib ki, peşə təhsili üzrə yeni təhsil islahatı hazırlanır. O bildirib ki, bu islahatın həyata keçirilməsi ilə artıq bir sıra yeni ixtisaslar üzrə qəbullar aparılacaq, bəziləri isə tələbat olmadığına görə tamamilə qəbuldan çıxarılacaq.