Cənubi Koreyanın hakim “Vətəndaş Gücü” Partiyasının lideri Han Donq Hun bildirib ki, o və Baş nazir Han Dok Su ölkə prezidenti Yun Sok Yölün vaxtından əvvəl və nizamlı şəkildə hakimiyyətdən getməsi ilə əlaqədar xaosu minimuma endirəcək.

Qarabaginfo.az xəbər verir ki, bu barədə “Yonhap” agentliyi məlumat yayıb.

“Prezidentin vaxtından əvvəl və nizam-intizamla getməsi ilə xalqa və ölkəyə təsir edə biləcək xaosu minimuma endirəcək, siyasi vəziyyəti sabitləşdirəcək və demokratiyanı bərpa edəcəyik”, - Han Donq Hun bildirib.

Han Donq Hun qeyd edib ki, vətəndaşların fikrincə, prezident Yun Sok Yöl səlahiyyət müddətinin qalan hissəsində ölkəni lazımi şəkildə idarə edə bilməyəcək və istefa verməlidir.