Macarıstan Ukraynada münaqişənin gərginləşməsi təhlükəsi ilə əlaqədar ölkənin şimal-şərqində əlavə hava hücumundan müdafiə sistemləri quraşdıracaq.

Qarabaginfo.az xəbər verir ki, bu barədə Macarıstanın müdafiə naziri Kristof Szalay-Bobrovnitski məlumat yayıb.

Onun sözlərinə görə, Ukrayna və Rusiya arasında hərbi əməliyyatlar ən təhlükəli mərhələyə daxil olub.

“Biz sülhün mümkün qədər tez, özü də hərbi yox, diplomatik yolla əldə olunmasına ümid etməyə davam edirik. Amma hər ehtimala qarşı bu yaxınlarda əldə etdiyimiz hava hücumundan müdafiə vasitələrinin ölkənin şimal-şərqinə yerləşdirilməsinə dair əmr verdim”, - nazir qeyd edib.