Ukraynada ələ keçirilən Amerikanın M1A1 "Abrams" tankları Rusiyaya NATO texnologiyalarına çıxış imkanı verəcək və bu, ona zirehli maşınlarla mübarizənin daha effektiv üsullarını inkişaf etdirməyə kömək edəcək.

Qarabaginfo.az xəbər verir ki, bu barədə Polşanın "Interia" portalı məlumat yayıb.

Məlumata görə, Ukrayna qoşunları Kiyevə göndərilən Amerika M1A1 “Abrams”-ların çox hissəsini döyüş meydanında itirib.

"Bir neçə M1A1 Abrams tankı rusiyalılar tərəfindən ələ keçirilib. Bu o deməkdir ki, Rusiya ordusu bu tanklarda istifadə olunan sistemlər və texnologiyalar haqqında məlumat əldə edə bilər", - nəşr qeyd edir.