Tanınmış aktyor və Kaliforniya ştatının sabiq qubernatoru Arnold Şvarsenegger Demokratlar Partiyasından prezidentliyə namizəd Kamala Harrisi dəstəklədiyini açıqlayıb.

Qarabaginfo.az xəbər verir ki, bu haqda o “X” hesabında yazıb.

“Mən başa düşürəm ki, insanlar mənim fikrimi eşitmək istəyirlər, çünki mən təkcə məşhur bir insan deyiləm, həm də keçmiş Respublikaçı qubernatoram. Ona görə də Kamala Harrisə və vitse-prezidentliyə namizəd Tim Valsa səs verirəm”, - deyə o bildirib.

Şvarzenegger bundan əvvəl miqrasiya böhranı səbəbilə ABŞ-ı bütün dünya üçün zibil qutusu adlandıran Respublikaçılar Partiyasının namizədi Donald Trampı tənqid etmişdi.

Onun fikrincə, Tramp amerikalıların problemlərini həll etməyəcək.