Çində Rusiya Prezidenti Vladimir Putinin ad günü münasibətilə işıq şousu təşkil edilib.

Qarabaginfo.az Rusiya mediasına istinadən xəbər verir ki, şou zamanı yüzlərlə drondan istifadə edilib. 

Belə ki, Quançjou şəhərinin səmasında dronlarla “Happy Birthday, Mr. President” təbriki, eləcə də Rusiya liderinin təsviri yaradılıb. 

Təbrikin görüntüləri sosial şəbəkələrdə maraqla qarşılanıb. 

Xatırladaq ki, oktyabrın 7-də V.Putinin 72 yaşı tamam olub. O, ad gününü adi iş rejimində keçirib.