Azərbaycanın milli aviadaşıyıcısı AZAL 2024-2025-ci illər üzrə payız-qış uçuş cədvəlini açıqlayıb. Cədvəl çərçivəsində aviaşirkət ölkədaxili Naxçıvan və Füzuli marşrutları da daxil olmaqla ümumi 50-dən çox istiqamətdə reyslər yerinə yetirəcək.

 
Qurumdan Qarabaqinfo.az-ın sorğuauna cavab olaraq bildirilib ki, cədvəl 2024-cü il oktyabrın 27-dən qüvvəyə minəcək və 2025-ci il martın 29-na kimi davam edəcək. Biletlərin satışı artıq başlayıb.

 
AZAL cədvəl üzrə sərnişinlərini Türkiyə, Rusiya, Qazaxıstan, Özbəkistan, Gürcüstan, Pakistan və bir sıra digər ölkələrin şəhərlərinə səyahət etməyə dəvət edir.

Aviaşirkət noyabrın 8-dən Maldiv Respublikasına müntəzəm uçuşlara start verir.

 
AZAL payız-qış cədvəli üzrə Bakıdan Moskvaya, İstanbula, Dubaya və Tbilisiyə yüksək tezliklə reyslər yerinə yetirməyi planlaşdırıb.
 
Biletləri aviaşirkətin rəsmi www.azal.az saytında, mobil tətbiqi vasitəsilə, eləcə də “Azərbaycan Hava Yolları”nın kassalarında və akkreditasiya olunmuş agentliklərində əldə etmək olar.

 
Ən uyğun uçuş vaxtını seçmək və aviabiletləri daha sərfəli qiymətlərlə almaq üçün sərnişinlərə səfərləri əvvəlcədən planlaşdırmaq tövsiyə olunur.