Gürcüstanda orta aylıq əmək haqqı məlum olub.

Qarabaqinfo.az xəbər verir ki, bunu Gürcüstanın Milli Statistika Xidməti (Sakstat) açıqlayıb.

Məlumata görə, ölkədə 2024-cü ilin ikinci rübündə 2 min lari (742 dollar) təşkil edib. Qeyd olunub ki, bu, 2023-cü ilin eyni dövrü ilə müqayisədə 11,1% çoxdur.

Ən yüksək maaşlar isə aşağıdakı sahələrdə qeydə alınıb:

- İnformasiya və rabitə – 3 963 lari (1 467 ABŞ dolları), il ərzində 4,3% artım;

- Maliyyə və sığorta fəaliyyəti – 3 642 lari (1 349 ABŞ dolları), il ərzində 14,5% artım;

- Tikinti – 2 946 lari (1 091 ABŞ dolları), il ərzində 13,7% artım;

- Peşəkar, elmi və texniki fəaliyyət – 2 872 lari (1 064 ABŞ dolları), il ərzində 13,8% artım təşkil edib.

Bildirilib ki, Gürcüstanda kişilər üçün orta əmək haqqı 2413 lari (894 dollar), qadınlar üçün 1590 lari (590 dollar) olub.