Teleqram messencerinin yaradıcısı Pavel Durovun saxlanılma müddəti daha 24 saat uzadıla bilər.

Qarabaginfo.az xəbər verir ki, bu barədə "Blumberq" Fransa məhkəmə sistemindəki mənbəyə istinadən məlumat yayıb.

Fransa hüquq sisteminə görə, bu ölkədə müəyyən bir şəxs 24 saat saxlanıla bilər, bu müddət bir dəfə uzadıla bilər.

Xatırladaq ki, Teleqramın təsisçisi Pavel Durov Parisin "Le Burje" hava limanında saxlanılıb. Durov bir sıra cinayətlərdə, o cümlədən terrorizm, narkotik qaçaqmalçılığı, fırıldaqçılıq, çirkli pulların yuyulması, oğurlanmış malların idarə edilməsində ittiham oluna bilər. Xatırladaq ki, 2021-ci ilin fevralında Durov Birləşmiş Ərəb Əmirlikləri vətəndaşlığını, avqustda isə Fransa vətəndaşlığını alıb.