Gürcüstan prezidenti Salome Zurabişvili gəlir və xərcləri barədə məlumat verib.

Qarabaqinfo.az Gürcüstan mətbuatına istinadən xəbər verir ki, bu barədə onun deklarasiyasında qeyd olunub.

Zurabişvilinin 2023-cü il üçün cəmi maaşı 84 221 lari olub. O, 55 275 lari xeyriyyə işlərinə ayırıb.

Prezident Avropa turlarına da öz vəsaitindən xərcləyib: 48 217 lari. 29 yanvar 2024-cü il tarixinə bank hesablarında əmanətlər: 27 min avro və 29 min dollar.

Zurabişvilinin Parisdə 60 kvadratmetr sahəsi olan mənzili var. Onun dəyəri 150 min avrodur. Onun həmçinin Tbilisidə 160 min dollar dəyərində kiçik torpaq sahəsi (126,3 kv.metr) olan fərdi evi (235 kv.metr) var.