Rusiya prezidenti Vladimir Putinin Türkiyəyə planlaşdırılan səfəri zamanı Rusiyanın təklif etdiyi qaz qovşağı layihəsinin yol xəritəsi müzakirə olunacaq.

Qarabaginfo.az xəbər verir ki, bu barədə “RİA Novosti” Türkiyə liderinin administrasiyasındakı mənbəyə istinadən xəbər verir.

Mənbənin sözlərinə görə, qaz qovşağı layihəsi qarşıdakı danışıqların enerji gündəminin əsas bəndlərindən biridir. Bundan əvvəl Türkiyə nümayəndə heyəti detalları müzakirə etmək üçün Rusiyaya səfər edib.

Bu gündəliyə əlavə olaraq, tərəflər milli valyutalarda ticarət sahələrinin genişləndirilməsi perspektivlərini müzakirə etmək niyyətindədirlər.

Mənbə əlavə edib ki, iki ölkənin liderləri həmişə müvafiq statistika ilə maraqlanır.

Daha əvvəl Vladimir Putin bildirib ki, Türkiyədəki qovşaq Avropada Rusiyadan qaz almaq istəyən hər kəs üçün maraqlıdır. Bildirilib ki, layihə birinci mərhələdə qaz ticarəti üçün elektron platformanın yaradılmasını nəzərdə tutur. Rəcəb Tayyib Ərdoğan Türkiyədə də London və Hamburqda olduğu kimi qaz mərkəzinin yaradılacağını da bildirib.