Sentyabrın 25-də axşam Xankəndidəki YDM-in yanacaq anbarında baş vermiş partlayış nəticəsində ölənlərin sayı 20-yə çatıb.

Qarabaqinfo.az xəbər verir ki, bu barədə "Kommersant" yazıb.

 “Müxtəlif dərəcəli yanıq xəsarətləri ilə 290 zərərçəkən tibb məntəqələrinə yerləşdirilib. 7 nəfər xəstəxanada ölüb. 13 nəfərin meyitinin şəxsiyyəti müəyyən edilməyib”, - deyə qeyd olunub.

Xatırladaq ki, PA-nın yaydığı məlumata görə, bununla əlaqədar yaralanan şəxslərə yardım məqsədilə ilkin olaraq 200 nəfərin müalicəsi üçün yanığa qarşı tibbi ləvazimatlar, sarğı materialları, əlcəklər, dərman preparatları (spreylər, kremlər, ağrıkəsicilər, antibiotiklər və s.) daşıyan təcili tibbi yardım maşını Ağdam-Əsgəran-Xankəndi yolu vasitəsilə yola salınıb.