Elektrik ödənişləri mövsümün ən böyük ödənişləri sırasındadır. Hər kəs yayda elektrik haqqını azaltmaq üçün effektiv həll yolları axtarır. Evdə kiçik müdaxilələrlə işıq puluna xeyli qənaət etmək mümkündür.

Yenisabah.az işıqpulunu yarıya endirmək üçün bu üsulları təqdim edir:

Qabları havada qurudun

Qabyuyan maşında istiliklə qurutma düyməsini söndürün. Bunun əvəzinə maşının qapağını açın və qablarınızın havada qurumasına imkan verin. Qabyuyanın hava ilə qurutma variantı varsa, ondan istifadə edin. Hava qurutma lövhələri qabyuyan maşının enerji istehlakını 15%-dən 50%-ə qədər azalda bilər.

Sərinkeşdən istifadə edin

Yayın çox isti keçdiyi ərazidə yaşayırsınızsa, kondisioner əvəzinə tavan sərinkeşindən istifadə edin. Bu sərinkeş kondisionerin ümumi sərfiyyatından cəmi 10%-ini istifadə edir.

Ağıllı lampalara keçin

Əgər siz LED işıqlandırmaya keçməmisinizsə, indi tam zamanıdır. LED lampalar közərmə lampalarından ən azı 75% az enerji sərf edir və 25 dəfə çox müddət işləyir. 

Sobanın qapağını tez-tez açmayın

Yemək bişirərkən sobanın qapağını hər dəfə açdığınız zaman daxili temperatur 25 dərəcə düşür. Bundan sonra soba temperaturunu yenidən yüksəltmək üçün daha çox enerji xərclənir. Elektrik enerjisinə qənaət etmək üçün yeməyinizə şüşədən baxın və qapağı hər dəqiqə açmayın.

Kiçik alətlərdən istifadə edin

Əgər bir neçə nəfərlik yeməyi qızdırırsızsa və ya bişirirsinizsə, mikrodalğalı soba və ya toster kimi daha kiçik həcmli cihazdan istifadə edin. 

Paltarları soyuq suyla yuyun

Paltar yuyarkən soyuq su istifadə etməyə başlayın. Bu zaman paltaryuyan maşın daha az enerji sərf edir. Çünki enerjinin 90%-i suyun qızdırılmasına sərf olunur.

Havalandırma sistemini təmiz saxlayın

Havalandırma sisteminin pərlərində, dəmir torlarında olan tıxanmalar, toz sistemin səmərəliliyini xeyli azaldır, belə olan halda, daha çox enerji istifadə edilir.