ABŞ prezidenti Co Bayden Çin lideri Si Cinpini diktator adlandırıb. 

qarabaginfo.az xəbər verir ki, bu barədə o, ilin əvvəlində Çinə məxsus hava şarının vurulması barədə danışarkən bildirib.

ABŞ dövlət katibi Entoni Blinkenin Çinə səfərinin başa çatmasından bir gün sonra çıxış edən Bayden Si Cinpinin hava şarı insidentindən narazı qaldığını vurğulayıb.

"Si Cinpinin çox bədbəxt olmasının səbəbi onun bu şardan xəbəri olmaması idi. Diktatorlar nə baş verdiyini bilmədiyi zaman həqiqətən bundan xoşları gəlmir", - Bayden deyib.

Xatırladaq ki, Blinken bu yaxınlarda Pekində səfərdə olub. Onun səfərinin məqsədi Çin və ABŞ arasında son aylarda artan gərginliyi azaltmaq idi.