Ötən gün Ermənistanın təxribatı nəticəsində şəhid olan hərbi qulluqçu Orxan Novruzəlizadənin cənazəsi Ağstafa rayonuna gətirilib. 

Qarabaqinfo.az məlumatına görə, hazırda şəhidin yaşadığı evdə vida mərasimi keçirilir. 

Vida mərasimində şəhidin ailə üzvləri, yaxınları, rayon ictimaiyyətinin nümayəndələri iştirak edirlər.

Şəhid Orxan Novruzəlizadə bu gün saat 11:00-da Ağstafa rayonunun Vurğun qəsəbə qəbristanlığında dəfn olunacaq.

Qeyd edək ki, ötən gün Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Novruzəlizadə Orxan Elxan oğlu şəhid olub.