Türkiyə prezidenti Rəcəb Tayyib Ərdoğan ölkə iqtisadiyyatının nəqliyyat sferasındakı investisiya qoyuluşları barədə məlumat verib.

Qarabaginfo.az "TRT Haber"ə istinadən xəbər verir ki, Ərdoğan bu barədə Afyon-Şuhut magistralının açılış mərasimindəki çıxışı zamanı danışıb.

Onun sözlərinə görə, nəqliyyat sahəsində 200 milyard ABŞ dollarından çox yatırımların həyata keçirilməsi nəzərdə tutulub.

Avtomobil yolları ilə bağlı 30 min kilometr hədəfi qoyulduğunu elan edən Türkiyə prezidenti artıq bunun 29 min kilometrinin hazır olduğunu vurğulayıb: "Biz hakimiyyətə gələndə bu rəqəm 6 min kilometr idi".

Ərdoğan avtomobillərdən illik qaz buraxılmasının 2200 ton azaldılacağını açıqlayıb.