Türkiyə Prezidenti Rəcəb Tayyib Ərdoğan taxıl sazişi ilə bağlı jurnalistlərin suallarını cavablandırıb.

Qarabaginfo.az xəbər verir ki, Ərdoğan bu addımı liderin siyasəti adlandırıb.

“Cənab Putinlə biz liderin siyasətinin ehtiyaclarını yerinə yetirdik. Təbii ki, bir-birimizə inam olmasaydı, biz bu addımı ata bilməzdik və edə bilməzdik. Özünə inam və bir-birimizə hörmət də bizi belə addımlar atmağa sövq edir”, - prezident deyib.

Ərdoğan, həmçinin nüvə enerjisilə bağlı birgə addımlardan da danışıb:

“Nüvə enerjisi sahəsində aramızda olan həmrəylik və bundan sonra Sinopda nüvə enerjisində yeni bir addım, müdafiə sənayesi istiqamətində atdığımız addımlar, bunlar da təbii ki, bir-birinə hörməti təşviq edir. Ona görə də biz bu tədbiri uğurla başa vurduq. Biz indi izləyiciyik”.