Laçın dəhlizinə alternativ magistral yolun Ermənistan hissəsinin tikintisinə avqust ayında başlanılıb və tikinti başa çatdıqdan sonra Ermənistanla Qarabağ arasında yol müvəqqəti torpaq yolu ilə deyil, yenisi ilə təmin ediləcək.
Qarabaginfo.az xəbər verir ki, bu barədə “Hraparak” nəşri məlumay yayıb.
““Artsax”ı Ermənistanla birləşdirən yeni marşrutun tikintisini 3 şirkət həyata keçirir. Deyirlər ki, işlər vaxtında yekunlaşacaq, yeni yol yanvar ayından istifadəyə veriləcək.
Rabitə, qaz, işıq, internet rabitə sistemlərinin daşınmasına gəlincə, öyrəndik ki, elektrik verilişi və internet kabelləri artıq köçürülüb. Qaz kəməri üçün böyük vəsait tələb olunur, lakin hazırda məsələ həllini tapıb, qaz təchizatı əvvəlki kimi baş verir. Çünki Parux (Fərrux) hadisəsi zamanı Stepanakertin (Xankəndi) günlərlə qazsız qaldığı günlərdə olduğu kimi eyni təhlükənin yenidən baş verməsi istisna edilmir”, - qeyd olunub.
