Əfqanıstanda bu ay baş verən daşqınlar 180-dən çox insanın həyatına son qoyub.

Qarabaginfo.az xəbər verir ki, bu barədə Talibanın sözçüsü Zabihullah Mücahid məlumat verib.

Daşqınlar son həftələr Əfqanıstanın mərkəzi və şərq əyalətlərində geniş dağıntılara səbəb olub, minlərlə evi yuyub aparıb və ölkədə iqtisadi və humanitar böhranı daha da dərinləşdirib.

"Ölkəmiz daşqınları təkbaşına idarə edə bilməz, biz dünyadan, beynəlxalq təşkilatlardan və İslam ölkələrindən kömək etmələrini xahiş edirik", - Mücahid deyib.

O, bildirib ki, bu ay daşqınlar nəticəsində 182 nəfər ölüb, 250 nəfər yaralanıb. 3100-dən çox ev tamamilə dağılıb, minlərlə mal-qara tələf olub.