Pentaqonun rəhbəri Ostin Ukraynada münaqişənin həlledici mərhələsini elan edib.

Hazırda Ukraynada münaqişə həlledici mərhələdədir. TASS xəbər verir ki, bunu ABŞ-ın müdafiə naziri Lloyd Ostin deyib. 

Pentaqon rəhbəri bildirib ki, hazırda Amerikanın Kiyevə dəstəyi həyati əhəmiyyət kəsb edir və təcili olmalıdır. “Rusiya düşünür ki, davamlılıqda Ukraynanı geridə qoya bilər, bizdən də çox davam gətirə bilər. Lakin bu, Rusiyanın səhv hesablamalarının ən sonuncusudur”, - deyə o, yekunlaşdırıb.

 

Ostin söz verib ki, ABŞ və müttəfiqləri Ukrayna Silahlı Qüvvələrinə  uzunmüddətli dəstək vermək üçün innovativ yollar tapmağa davam edəcəklər. “Ukraynanın özünü müdafiə etmək üçün texnologiyaya, döyüş sursatına və sadəcə atəş gücünə malik olmasını təmin etmək üçün yardımımızı tənzimləyəcəyik”, - deyə o əlavə edib.

 

Daha əvvəl Ostin bildirmişdi ki, Ukraynaya yeni hərbi yardım paketinə daha dörd HIMARS reaktiv yaylım atəşi sistemi (YARS) daxil ediləcək. Həmçinin, ABŞ-dan tezliklə təqdim olunacaq yeni yardım paketinə YARS və artilleriya üçün döyüş sursatları daxil olacaq.