"Ermənistan və Türkiyənin xüsusi nümayəndələri iki ölkə arasında sərhədin üçüncü ölkə vətəndaşları üçün açılması, eləcə də iki ölkə arasında hava nəqliyyatı ilə yük daşımalarının həyata keçirilməsi barədə razılığa gəliblər".
Qarabaginfo.az "Armenian News"a istinadla xəbər verir ki, bunu Ermənistanın baş naziri Nikol Paşinyan hökumətin bugünkü iclasında bildirib.
“İndi qurumlarımızın Türkiyənin müvafiq idarələri ilə işləməsi çox vacibdir, çünki razılaşmaların icrası prosesi bu işdən asılıdır. Mənim vəzifəm koordinasiyalı iş aparmaqdır ki, əldə olunan razılaşmalar mümkün qədər tez həyata keçirilsin”, - deyə Paşinyan vurğulayıb.
