Ümumdünya Səhiyyə Təşkilatı (ÜST) tütünün ətraf mühitə təsiri ilə bağlı hesabat yayıb.

Qarabaginfo.az xəbər verir ki, “Tütün – planetimizin zəhəri” adlı hesabatda göstərilir ki, hər il ətraf mühitə 450 milyard ədəd siqaret kötüyü atılır ki, bu da təbiətə ağır zərər vurur: “təbiətə atılan tütün məhsullarının tərkibində 7 minədək kimyəvi birləşmə var və onlar ətraf mühitdə çox tez yayılr. 1 siqaret kötüyü 100 litr suyu çirkləndirmək üçün kifayətdir”.

Hesabat müəllifləri bildirrlər ki, tütün becərilməsi və istehsalı hər il 600 milyonadək ağacın kəsilməsinə səbəb olur. Bura həm əkin sahələrinin genişlənməsi üçün qırılan meşələr, həm də qablaşdırmada istifadə olunan ağac sənayesi məhsulları daxildir.