“Ermənistan Respublikasının Zəngəzur rayonunun Aşağı Hənd kəndi yaxınlığındakı dağlıq ərazidə Azərbaycan bölmələrinin yenidən irəliləməsi barədə mətbuatda və sosial şəbəkələrdə yayılan məlumatlar həqiqətəuyğun deyil”.
Qarabaginfo.az Cebhe.info-ya istinadən xəbər verir ki, Ermənistan Müdafiə Nazirliyinin yaydığı məlumatda belə deyilir.
“Bu il martın 21-də Ermənistan Respublikası Müdafiə Nazirliyinin yaydığı dəqiqləşdirmədə də göstərildiyi kimi, Azərbaycan bölmələrininin sərhədin göstərilən hissəsində yerləşdirilməsi 2020-ci il noyabrın 9-dan sonra, müharibədən sonrakı dövrdə qeydə alınıb.
Müdafiə Nazirliyi bir daha ordunun nüfuzuna xələl gətirən, əhali arasında əsassız gərginlik yaradan yalan məlumatların yayılmasından çəkinməyə çağırır” - məlumatda belə qeyd edilir.
