"Qlobal birlik bu cür cinayətlərə təcili reaksiya verməlidir. Çünki şərin qarşısı alınmasa, yolundakı hər şeyi məhv edəcək...” 

Rusiya işğalçıları  Ukraynanın Sumı vilayətinin Qluxov şəhərindəki yəhudi qəbiristanlığına raket atıblar.

Qarabaginfo.az xəbər verir ki, bu barədə məlumatı Ukraynanın mədəniyyət və informasiya siyasəti naziri Aleksandr Tkaçenko "Facebook"da paylaşıb.

 

"Raşistlər indicə Qluxovdakı yəhudi qəbiristanlığını raketlə vurdular. Bu, Rusiyada, ümumiyyətlə, müqəddəs heç nəyin olmadığının və onların 80 il əvvəl yəhudiləri məhv edən nasistlərdən heç fərqlənmədiyinin daha bir birbaşa sübutudur", -  deyə Tkaçenko bildirib.

 

Nazir qeyd edib ki, bu qəbiristanlığın ərazisində 1918-ci il qırğınının qurbanı olan yəhudilər dəfn olunub.

 

"Kütləvi dəfn eyni zamanda saddiklər(yəhudi dinində möminlər-S.L.) Menahem-Nohim-David Geselev və İsrail-Dov-Ber Nohimov Şumyatskinin məzarı sayılır. Bu, yalnız tarixi abidə deyil, eyni zamanda bütün yəhudi xalqı üçün xüsusi rəmzdir", - Tkaçenko vurğulayıb

 

Bütün İlahi qüvvələrin hələ də bizim tərəfimizdə olduğunu sübut edən əsaslardan biri də  saddiklərin qəbirlərinin salamat qalmasıdır. Bu, belə bir zərbədən sonra həqiqətən bir möcüzədir.  Həyəcan siqnalları dayanmadığı üçün yerli sakinlər hələ də bomba sığınacaqlarında otururlar”, - nazir qeyd edib.

"Rusiya öz rəzil mahiyyətini sübut etməkdə davam edir. Qlobal birlik bu cür cinayətlərə təcili reaksiya verməlidir. Çünki şərin qarşısı alınmasa, yolundakı hər şeyi məhv edəcək”, -  deyə Tkaçenko əlavə edib.(Moderator.az)