Ukrayna Rusiyanın hücumunu dəf etmək üçün Pentaqondan gəmi əleyhinə raketlər və digər sahil müdafiə silahları istəyir.

Qarabaginfo.az xəbər verir ki, bu barədə “The New York Times” yüksək rütbəli ABŞ rəsmilərinə istinadən məlumat yayıb.

Bildirilib ki, ABŞ bu həftə elan etdiyi 800 milyon dollarlıq yardım paketinə sahil müdafiəsi aktivlərini əlavə etməklə bu istəyə cavab verib.

“New York Times” qəzetinin yazdığına görə, Rusiyanın Qara dəniz donanmasının flaqmanı olan “Moskva” gəmisinə hücum sahildən atılan gəmi əleyhinə raketlərin gücünün nümayişi idi və Ukraynanın bu cür silahlara daha çox ehtiyacı var.

Rəsmilər bildiriblər ki, “Moskva”nın batması həm Ukraynanın öz silahlarının gücünü, həm də Ukrayna şəhərlərindən uzun müddətdir dominantlıq edən Rusiya donanmasına qədər hərbi əməliyyatların genişləndirilməsinin strateji əhəmiyyətini nümayiş etdirib. Həmçinin qeyd edilib ki, gəminin batması Rusiyanın hərbi planlarına zərbədir.