Amerika Birləşmiş Ştatları Ukraynadan olan hərbçilərə ölkədən kənarda Qərb tərəfindən dəstəklənən bir sıra yeni silahların istifadəsi üzrə təlim keçəcək.

Bu barədə jurnalistlər üçün keçirdiyi növbəti brifinqdə Pentaqonun sözçüsü Con Kirbi bildirib.B“Biz bu silhların bəzilərinin ukraynalılar üçün əlavə təlim tələb edəcəyini gözləyirik”, - ABŞ Müdafiə Nazirliyinin rəsmisi deyib.

C. Kirbi bildirib ki, Ukrayna ordusunun az sayda hərbçiləri ölkədən çıxarılacaq və Qərb təlimatçıları onları hərbi texnika ilə tanış etməklə təlim keçirəcək: “Təlimi bitirənlər Ukraynaya geri dönəcək. Bu cür təlimlər, xüsusən də Amerika haubitsaları, hava hücumundan müdafiə radarlarının izləmə stansiyalarının ötürülməsi zamanı tələb olunacaq”.