Qarabaginfo.az xəbər verir ki, bunu “Facebook” səhifəsində Ermənistanın “Arar” fondunun direktoru Armen Xaçikyan yazıb.

Onun sözlərinə görə, Rusiyanın sülhməramlı qüvvələri Fərrux kəndinə nəzarət edir, lakin kənd Azərbaycan bölmələri tərəfindən mühasirəyə alınıb, Fərruxda erməni birləşmələri yoxdur və sakinlər kəndə qayıda bilmirlər.

“Bütün məsuliyyət Ermənistan hakimiyyətinin üzərinə düşür. Bu, razılaşmanın nəticəsi idi. İqtidardan başqa müxalifət də heç bir ağlabatan addım atmayıb, çox simasız, susqun vəziyyətdədir. İşıqlandırma prosesində bəzi KİV-lər məlumatı manipulyasiya kontekstində təqdim edirlər. Əsas günahkar və cavabdeh hakimiyyətdir. Daşbaşının 1200 hektar ərazisi sadəcə torpaq deyil, o, strateji əhəmiyyətə malik yüksəklikdir”, - deyə Xaçikyan qeyd edib.