Zəlzələ nəticəsində Ekvadorun Esmeraldas əyalətində 30 binaya ziyan dəyib.

Qarabaginfo.az-ın xəbərinə görə, bu barədə Ekvador Fövqəladə Hallarda Risklərin İdarə Edilməsi üzrə Milli Xidməti məlumat yayıb.

Qeyd olunub ki, 6 maqnitudalı zəlzələdən sonra ardıcıl 3.9, 5.1 və 3.5 maqnitudalı üç təkan baş verib. Təkanlar ölkənin 11 əyalətində hiss olunub.

İlkin məlumata əsasən, 2 bina tamamilə dağılıb, 24 yaşayış binası və 4 dövlət qurumunun binasına ziyan dəyib.

Ölənlər və xəsarət alanlar barədə məlumat verilmir.