Qarabaginfo.az xəbər verir ki, dünən “Azərbaycan xalqının zəngin milli-mənəvi dəyərlər və adət-ənənələri”, “Multikulturalizm və multietnosluq”, “Qloballaşma və modernləşmə dövründə milli ailə dəyərləri”, “Azərbaycanda klassik və müasir ailə dəyərləri, “Nikah və boşanmalar”, Vulqar ənənələr” kimi önəmli mövzular ətrafında müzakirələrin yer aldığı tədbir bu gün “Əxlaq normaları: xüsusiyyətləri, növləri və nümunələri”, “Əxlaqi keyfiyyətlər: insanlararası münasibətlər və reallıq” və s. kimi vacib mövzular ətrafında müzakirələrlə uğurla davam edib.
Layihənin məqsədi respublikada ailə dəyərlərinin, əxlaq və etika normalarının təbliği sahəsində gənclərin, xüsusən də, yeni ailə quran və qurmaq üzərə olan gənc ailələrin ölkə miqyasında maarifləndirilməsini və məlumatlandırılmasını təşkil etmək, habelə ailələrin dağılmasına səbəb olan müxtəlif amillərin (gənc ailələrə valideynlərin və digər qohumların yersiz müdaxilələri, boşanmalara rəvac verən aktuallığını itirmiş adətlər və s.) aradan qaldırılması istiqamətində profilaktik tədbirlər həyata keçirməkdən ibarətdir.
Əlavə edək ki, 3 günlük tədbir zamanı nəqliyyat xərcləri istisna olmaqla, bütün iştirakçıların çay-kofe, yemək və oteldə qalmaq xərcləri (3 gecə) layihə çərçivəsində MAGİYA ictimai birliyi tərəfindən qarşılanır.
