Rusiyaya qarşı tətbiq edilən sanksiyalardan təsirlənən Avropa Birliyi şirkətləri, yumşaldılmış dövlət yardımı qaydaları çərçivəsində 400,000 avroya (440,360 dollar) qədər dövlət dəstəyi ala biləcəklər.

Qarabaginfo.az xarici mətbuata istinadən xəbər verir ki, bu barədə blokun icraedici qolu açıqlama yayıb.

Avropa Komissiyası bildirib ki, kənd təsərrüfatı, balıqçılıq və akvakultura sektorundakı şirkətlərə ediləcək yardım 35,000 avroya (38,500 ABŞ dolları) çata bilər. Likvidlik böhranı ilə üzləşən müəssisələr isə kreditlər və subsidiyalaşdırılmış kreditlər üzrə dövlət zəmanəti ala bilərlər.

Bu arada, artan enerji xərcləri ilə üzləşən firmalar iki milyon avro (2,2 milyon dollar) ilə məhdudlaşan xərclərin 30 faizini əhatə edən dövlət yardımı almaq hüququ qazanacaqlar.