Ermənistanın “Lurer.com” nəşri qeyd olunan məlumatı dəqiqləşdirmək üçün martın 16-da qondarma qurumun “nümayəndəsi” Metakse Hakopyanla əlaqə saxlayıb.

Hakopyan qeyd edib ki, mətbuatda kəndlilərin köçürülməsi və ya rus sülhməramlılarının Pirlərdən getməsi ilə bağlı çoxlu ziddiyyətli məlumatlar var.

“Kəndin kişiləri döyüşə hazır vəziyyətə gətirilməyib, sakin döyüş hazırlığına malik ola bilməz, rus sülhməramlılar, bizim hərbçilər oradadırlar. Hansısa əməliyyatlara hazırlıq yoxdur, sadəcə olaraq hamı kəndi təhlükəsiz saxlamaq üçün oradadır. Azərbaycanlı hərbi qulluqçuların yerləşdiyi ərazi kəndə çox yaxındır. Mətbuatda qeydlərə çox rast gəlirəm, qeydlərdə deyilir ki, Qarabağın dağlıq hissəsinə qaz müqabilində Pirləri verməyə hazırlaşırlar. Bənzər təklif və ya müzakirə yoxdur”, - deyə o bildirib.