Kanada Rusiya hava yolu şirkətlərinə öz hava məkanını bağlayır.

Qarabaginfo.az xəbər verir ki, bu barədə Kanadanın Nəqliyyat naziri Omar Alqabra “Twitter” hesabındakı paylaşımında bildirib. O, qeyd edib ki, Kanada bu qərarla öz siyasətini oxşar qərarlar qəbul edən Avropa ölkələri ilə uyğunlaşdırır.

Qərara əsasən Kanada ərazisindəki Rusiya aviadaşıyıcılarının ölkəni tərk etməsi üçün bir neçə saat vaxt veriləcək və daha sonra yeni reyslərin təşkili qeyi-mümkün olacaq.

Rusiya hava yolu şirkətlərinin gün ərzində Kanada Hava məkanı ilə eyni zamanda ABŞ-a və digər istiqamətlərə uçuşlar təşkil etdiyi bildirilir.