Kiyevin Solomenskiy rayonunun Lobanovski prospekti, 6a ünvanında yerləşən çoxmərtəbəli yaşayış binasına mərmi düşməsi nəticəsində bir nəfər ağır yaralanıb.

Qarabaginfo.az bildirir ki, “Report”un Şərqi Avropa bürosunun əməkdaşı hadisənin baş verdiyi əraziyə yollanıb.

Ərazidə çəkiliş aparan zaman məlum olub ki, həmin binanın sakinləri sığınacağa yerləşiblər. Amma dağıntılar səbəbindən ərazidə olan bir nəfər yaralanıb.

Qeyd edək ki, Rusiya Silahlı Qüvvələri paytaxtın Julyan aeroportunun yaxınlığında çoxmərtəbəli yaşayış binasına ağır texnika ilə atəş açıb. Raket binanın 17-18-ci mərtəbələrinə düşüb. Tikili dağıntılara məruz qalıb və yanğın olub.

Fövqəladə Hallar Dövlət Xidmətinin 12 nəfər və 3 texnikasının səyi ilə yanğın söndürülüb.