“Azərbaycanda insanların quyruq növ kimi adlandırdığı enterobioz qurd növü uşaqlar arasında rast gəlinir. Askarid qurdları isə ikinci sırada gəlir”.

Qarabaginfo.az xəbər verir ki, bunu Səhiyyə Nazirliyinin mütəxəssis-eksperti, pediatr Erkin Rəhimov deyib.

Onun sözlərinə görə, qurdlar adətən nəcis analizlərində aşkar olunur.

E.Rəhimov əlavə edib ki, uşaqlar əksər hallarda 3-12 yaşlarında qurd xəstəliklərinə yoluxurlar:

“Ötən ilin rəqəmlərinə gəlincə, 434 minə yaxın uşağın analizi aparılıb, onlardan 32 911 uşaqda qurd invaziyası aşkar edilib”.