“Bugünki görüşümüz işgüzar, məzmunlu və faydalı keçdi”.

Qarabaginfo.az xəbər verir ki, bunu Rusiya prezidenti Vladimir Putin fransalı həmkarı Emmanuel Makronla danışıqların yekunlarına dair birgə mətbuat konfransında bildirib.

Putin Makronla Rusiyanın təhlükəsizlik zəmanətləri ilə bağlı ABŞ və NATO-ya verdiyi təkliflər sənədini müzakirə etdiklərini bildirib. Rusiya prezidenti bu təkliflərin üç əsas bəndini bir daha xatırladıb. O, NATO-nun şərqə doğru genişlənməməsini, Rusiya sərhədlərində zərbə silahlarının yerləşdirilməməsi və Şimal Alyansının Avropadakı hərbi infrastrukturunun 1997-ci ilə qədərki sərhədlərə geri çəkilməsinin prinsipial olduğunu bildirib.

Qeyd edək ki, bu gün Kremldə keçirilən Putin-Makron görüşü beş saatdan çox davam edib.