““2019-2023 Dövlət Proqramı” iki istiqaməti əhatə edir. Məqsəd xaricdə doktorantura təhsili və yerli ali təhsil müəssisələrində ikili diplom proqramlarının təsisi olunması yolu ilə gənclər yaxşı təhsil imkanlarının təşkil olunmasıdır. Dövlət Proqramı nəticəsində 130-a yaxın gənc dünyanın 60-dan çox nüfuzlu universitetində təhsil alır”.

Qarabaginfo.az xəbər verir ki, bunu Təhsil Nazriliyinin Beynəlxalq əməkdaşlıq şöbəsinin müdiri Tural Əhmədov Xaricdə doktorantura təhsili üzrə sənəd qəbulundan danışarkən deyib.

Onun sözlərinə görə, onların hər biri yerli ali təhsil müəssisələri ilə üçtərəfli müqavilə bağlayıblar: “Doktorantlar təhsil aldıqları dövrdə və təhsillərini bitirdikdən sonra həmin universitetlərin inkişafını hədəfləyirlər”.