“Legiya” klubunda çıxış edən Azərbaycan millisinin futbolçusu Mahir Emreli Polşadan ayrılıb.
Qarabaginfo.az xəbər verir ki, 24 yaşlı hücumçu bu barədə İnstaqram hesabından paylaşım edib.
Hücumçu axşam saatlarında Bakıya çatıb. Hava limanından foto paylaşan Emreli postda “family coming first” (ailə birinci gəlir) yazıb.
Qeyd edək ki, “Legiya” fanatları Ekstraklasanın XVIII turunda Plotsk “Visla”sına 0:1 hesablı məğlubiyyətdən sonra “Legiya”nın futbolçularına hücum edib. Nəticədə Mahir Emreli başından xəsarət alıb. O, hadisədən sonra Varşava təmsilçisində oyuna və məşqlərə çıxmayıb. Hücumçunun Varşava təmsilçisindən ayrılacağı gözlənilir.
