Azərbaycan hərbçilərinə qumbara atan şəxsin kimliyi məlum olub.
Qarabaginfo.az Caliber-ə istinadla xəbər verir ki, bu gün səhər saat 7 radələrində Şuşa şəhəri yaxınlığındakı Daşaltı keçid məntəqəsində erməni terrorçu 1975-ci il təvəllüdlü Norayr Mirzoyan Azərbaycan və Rusiya hərbçilərinə qumbara atıb.
Ermənilərin terror aktı nəticəsində ən azı bir hərbçimiz yaralanıb. Xoşbəxtlikdən onun həyatına heç bir təhlükə yoxdur.
***
10:15
Xankəndi-Laçın yolunda qumbara atan şəxs saxlanılıb.
Qarabaginfo.az xəbər verir ki, Rusiya sülhməramlıları Rusiya və Azərbaycan hərbçilərinə RQD-5 atan terrorçunu saxlayıblar.
O, hadisə yerindən qaçmağa çalışsa da həbs edilib.
Aldığımız son məlumata görə, Xankəndi-Laçın yolunda hərəkət bərpa edilib.
