“Ermənistan və Azərbaycan arasında sülh müqaviləsi imzalanmalıdır”.

Qarabaginfo.az xəbər verir ki, bunu Azərbaycan Prezidentinin köməkçisi, Prezident Administrasiyası xarici siyasət məsələləri şöbəsinin müdiri Hikmət Hacıyev bu gün ADA universitetində keçirilən “44 Günlük Zəfər Yolu” tədbirində deyib.

Prezidentin köməkçisi qeyd edib ki, iki ölkə ərazi bütövlüyünü tanımalıdır:

“Amma Ermənistanın Azərbaycana qarşı qaldırdığı iddialar onu göstərir ki, Ermənistan Azərbaycanın ərazi bütövlüyünü tanımaq istəmir. Bu kimi hallara son qoyulmalıdır. Ermənistan Azərbaycan ərazilərinə iddialardan əl çəkməlidir. Ermənistanın həmişə Qafqazda bir dövlət yaratmaq niyyəti olub, amma onun arzusu reallaşmadı”.