Azərbaycan Premyer Liqasının arxada qalan birinci dövrənin 28 oyununu cəmi 19 min 710 tamaşaçı izləyib.

Qarabaginfo.az xəbər verir ki, bu rəqəm bəzi stadionların tutumundan, hətta yarısından da azdır.

Bu o deməkdir ki, 7 turun izləyiciləri bir görüşdə qeydə alına biləcək rəqəmdən də aşağıdır. Hərçənd təxminən 17 aydan sonra stadionda çempionat izləmək imkanı yarandığından, bu rəqəmin daha böyük olacağına ümid etmək olardı.

Orta tamaşaçı sayı isə hər matç üçün 704-ə bərabərdir. Ev oyunlarındakı göstəriciyə əsasən “Neftçi” liderdir.

Bu da daha çox “Qarabağ”la derbinin 3300 tamaşaçı toplaması ilə bağlıdır. Autsayder mövqeyində isə “Keşlə” qərarlaşıb.