ABŞ Baş Qərargah Rəisləri Birliyinin rəisi general Mark Milli "Əl-Qaidə" terror qruplaşmasının Əfqanıstanda 6 aydan 3 ilə qədər mövcud olacağının “real perspektiv”lərindən danışıb.

Qarabaginfo.az RİA Novosti-yə istinadən xəbər verir ki, general bu barədə Senatın Silahlı Qüvvələr Komitəsində keçirilən dinləmələrdə bildirib.

“Çox da uzaq olmayan bir zamanda, 6, 12, 18, 24, 36 aylıq müddətdə “Əl-Qaidə” və ya İŞİD-in bərpa olunacağı üçün real “perspektiv” var. İndi qarşıya qoyulan vəzifəmizdə fərqli şərtlər mövcuddur. ABŞ vətəndaşlarını Əfqanıstandan gözlənilən hücumlardan qorumağa davam edin”, deyə Milli vurğulayıb.