Füzuli rayonunun Qacar kəndində (Xocavənd rayonunun Qırmızı Bazar qəsəbəsi istiqamətində) düşmən tərəfindən minalanmış mürəkkəb relyefli dağlıq ərazidəki açıq sahədə və qismən meşə zolağında yanğın baş verib.

Qarabaginfo.az xəbər verir ki, bu barədə FHN məlumat yayıb.

Bildirilib ki, yanğının söndürülməsi istiqamətində FHN-in Aviasiya dəstəsinin bir ədəd helikopteri cəlb olunmaqla nazirlik tərəfindən təxirəsalınmaz tədbirlərin görülməsinə başlanılıb.

Görülmüş operativ tədbirlər sayəsində yanğın genişlənərək sıx meşəlik əraziyə keçməsinin qarşısı alınaraq söndürülüb.