Ermənistanın ikinci prezidenti, "Ermənistan" blokunun baş nazirliyinə namizədi Robert Koçaryan Sünik vilayətində Rusiya hərbi bazasının yerləşdirilməsini real hesab edir.

Qarabaginfo.az Qazet.az-a istinadən xəbər verir ki, bu barədə o, Qafanda seçicilərlə görüşü zamanı bildirib.

"Ancaq hər zaman vurğuladığım bir şey var: hörmət qazanmaq istəyiriksə, öz silahlı qüvvələrimiz olmalıdır. Bəli, Rusiya bizim strateji müttəfiqimizdir. Şübhəsiz. Ancaq çəkimizin lazımi səviyyədə olmasını istəyiriksə, özümüz də bir şey təqdim etməliyik. Başqa formada dövlətlərə hörmət edilmir", - Koçaryan qeyd edib.

Onun sözlərinə görə, hərbi baza məsələsinin "dilənçiliklə" deyil, ortaq əməkdaşlıq əsasında həll edilməsi üçün Ermənistan sürətlə ordunu bərpa etməli və müttəfiqləri ilə birlikdə ölkənin təhlükəsizliyini gücləndirməlidir.