2016-cı ildə Ermənistanın hazırkı səlahiyyətliləri, o vaxtın müxalifətçiləri dördgünlük Aprel döyüşlərində xüsusən Lələtəpə yüksəkliyini itirməyə və geri götürməməyə görə Ermənistanın üçüncü prezidenti Serj Sarkisyanın ünvanına çoxsaylı ittihamlar səsləndirirdilər.

“168.am” nəşrinin məlumatına görə, Paşinyanın piar aparma alətinə çevrilmiş Lələtəpə yüksəkliyi erməni qüvvələrinin əlində cəmi 2-3 saat qalıb, çünki hər zaman hərbi əməliyyatlar dayanmayıb və Azərbaycan xüsusən hava və artilleriya zərbələri, PUA-larla hücuma keçəndə bu yerdən erməni qüvvələri dərhal geri çəkiliblər, çünki artıq kifayət qədər çox canlı itkilər olub.

Nəşr qeyd edir ki, erməni tərəfi Lələtəpəni ələ keçirmək üçün edilmiş uğursuz cəhddə 830 canlı itki verib.Ordu.az