Vaşinqton administrasiyası Tehranın Hörmüz boğazının gəmiçilik üçün açıq olduğunu və oradan keçən gəmilərə hücum edilməyəcəyini elan etməsini tələb edir.

Bu barədə “Reuters“ agentliyi cümə günü ABŞ rəsmilərinə istinadən məlumat yayıb.

"Biz İran tərəfinin Hörmüz boğazındakı bütün marşrutların açıq olduğunu və artıq gəmilərə atəş açmadığını etiraf edən açıqlama verməsini tələb edirik. Ya onlar belə bir açıqlama verəcəklər, ya da bütün bunlar onlar üçün pis nəticələnəcək", - agentliyin mənbələrindən biri deyib.

Məlumata görə, ABŞ o cümlədən İranın boğazdan keçən gəmilərə görə rüsum almaq niyyətində olmadığını açıq şəkildə bildirməsini tələb edir.