Azərbaycanla Ermənistan arasında sülh və normallaşma prosesində irəliləyişdən məmnunuq.

Qarabaginfo.az xəbər verir ki, bu barədə Türkiyənin xarici işlər naziri Hakan Fidan rusiyalı həmkarı Sergey Lavrovla birgə mətbuat konfransında bildirib.

Davamlı sülhün regionda sabitliyin təminatı olacağını vurğulayan Hakan Fidanın sözlərinə görə, atılan addımlarla bölgədə faktiki olaraq sülh bərqərar olub və artıq bu, praktikada da öz əksini tapıb.

O, “3+3” əməkdaşlıq formatında keçirilən görüşlərin region ölkələri üçün böyük əhəmiyyət daşıdığını qeyd edib.