2018-ci ildə UNESCO və Dünya Bankı birgə şəkildə “mədəni irs və şəhərlərin dirçəldilməsi” layihəsini həyata keçirməyə başlayıb.

Qarabaginfo.az xəbər verir ki, bunu WUF13 çərçivəsində keçirilən “Dayanıqlı və İlhamlandırıcı Mədəniyyətin Yenidən Canlandırılması Modeli” mövzusunda panel sessiyasında UNESCO Baş direktorunun mədəniyyət məsələləri üzrə səlahiyyətlərini müvəqqəti icra edən, Ümumdünya İrs Mərkəzinin direktoru Lazare Eloundou Assomo videomüraciəti zamanı deyib.

Bildirilib ki, Azərbaycanda beynəlxalq müstəvidə müxtəlif məsələlərə balanslı və ədalətli yanaşma nümayiş etdirilir.

Onun sözlərinə görə, münaqişədən sonrakı dövrdə şəhərlərin yenidən qurulması və bərpası xüsusi prioritet kimi müəyyən edilib. Bu istiqamətdə həyata keçirilən siyasət şəhərlərin bərpası ilə yanaşı, onların yenidən canlandırılmasını və davamlı inkişafını hədəfləyir.