"Biz bu bəyanatları görmüşük, amma onlara şərh verməməyi üstün tuturuq".

Qarabaginfo.az xəbər verir ki, bunu Kremlin rəsmi nümayəndəsi Dmitri Peskov ABŞ Prezidenti Donald Trampın Hörmüz boğazını açması üçün İranın ünvanına səsləndirdiyi fikirlərə münasibət bildirərkən deyib.

O vurğulayıb ki, hazırda regionda gərginlik artmaqda davam edir.

"Faktiki olaraq, bütün region alov içindədir. Bunların hamısı İrana qarşı törədilən təcavüzün çox təhlükəli və mənfi nəticələridir. Bu münaqişənin coğrafiyası genişlənib. İndi isə hamımız yaşadığımız nəticələrin, o cümlədən qlobal iqtisadiyyat üçün çox mənfi nəticələrin fərqindəyik. Əslində, döyüşlər başlamazdan əvvəl belə nəticələrin qaçılmaz olduğu barədə xəbərdarlıq etmişdik", - Peskov qeyd edib.