Kainat işıqlıdır. Çünki hər istiqamətdə milyardlarla ulduz, qalaktika və radiasiya mənbələri mövcuddur. Bəs o zaman niyə kosmos fotolarda qaranlıq görünür?
Qarabaginfo.az bildirir ki, “Astonomiya” onlyan jurnalında bunun izahı verilir.
Sadəcə biz kosmosu fotolarda qaranlıq görürük, çünki orada Yer atmosferi yoxdur: “Yer üzündə gündüz vaxtı səma mavi görünür. Çünki atmosfer Günəş işığını səpələyir. Kosmosda isə işıq səpələnmir, yalnız birbaşa obyektlərdən gələn şüalar görünür. Arada qalan boşluq isə işıq saçmadığı üçün tam qara görünür.
Başqa sözlə, kosmosda hava olsaydı, səma zülmət yox, hər tərəfi zəif işıqlı bir fon kimi görünərdi. Yəni kainat işıqla doludur, amma işıq səpələnmədiyi üçün biz onu qaranlıq kimi görürük”.
