Qarabaginfo.az xəbər verir ki, bunu Ermənistanın “Respublika Naminə” partiyasının üzvü, erməni siyasi analitik Ruben Mehrabyan deyib.

“Təbii olaraq Moskva Ermənistan və Azərbaycan arasında olan yelləncəyi əks istiqamətə yönəldir. Ermənistan və Rusiya Müdafiə nazirləri arasında Ermənistan ordusunun yenidən silahlanmasına dair əldə olunan razılaşmalar da bunun sübutudur. Burada qeyd etmək çox vacibdir ki, Ermənistan yalnız rus silahı ilə kifayətlənməməlidir, çünki bu, əsas vəzifəmizi yerinə yetirilmiş hesab etmək üçün yetərli olmayacaq. Yəni, 5-ci və gələcək nəsillərin müharibələrinə hazır olan orduya sahib olmaq lazımdır. Bundan başqa, təhlükəsizlik yalnız ordu ilə qurulmur. Axı təhlükəsizlik nəticə deyil, prosesdir. Bu mənada Ermənistan bütün siyasətlərini şaxələndirməyə davam etməlidir”, - deyə o qeyd edib.(Ordu.az)